3:51 AM
Admin
PAG-AMPO PARA SA KATITIROK-PASTORAL
SA SENTRO SAN MISYON NI SR. SAN ROQUE NGA MAGTARAMBAL
Makagarahum ug Mahigugmaon nga Amay
Sa imo natikang an ngatanan, an amon kinabuhi, an panahon
Ug an kada higayon nga nalabay.
Mapinasalamaton kami yana sa imo ug nagdadayaw
Tungod san imo pagtawag sa amon ngada sa imo panimalay dinhi sa tuna,
An Singbahan.
Bendisyoni ini nga amon yana pagkatitirok
Lamragi ngan giyahi kami basi hikit-an ngan hisabtan namon
An amon mga buruhaton komo imo mga tinun-an.
Tagi kami sin mga mangungulo sa amon katilingban
nga an ungara ug kinabuhi masusubay sa imo.
Tagi kami sin kadasig pinaagi san imo Pulong
sa pagbuhat san misyon san pagtukod
San imo Ginhadian dinhi sa amon dapit.
Dasiga kami pina-agi san mga sakramento
ngan pakusga sa pag atubang
San mga hagit san panahon.
Padayon kami nga pagsarayo-a ngan pagbutka sa paghigugma
Basi magsaksi kami san kinabuhi san mga tinawag ngan ginsantos.
Kasayo ngan kaupod san mga pag-ampo ni Maria, amon iroy ug susgaranan
Ug ni Senyor San Roque nga Magtarambal, amon patron.
Gindadara namon ngan ginpapangaro ini nga pag-ampo
Sa ngaran san amon Ginoo Jesukristo. Amen
Posted in: Prayer
0 comments:
Post a Comment